منتديات قلوب الحب

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدي قلوب الحب
سنتشرف بتسجيلك
شكرا
ادارة المنتدي
منتديات قلوب الحب

منتديات قلوب الحب


    اسئلة منطقية جدا محتاجه رد

    شاطر
    avatar
    طائرالحب
    عضو مميز
    عضو مميز

    أعلام الدول : Egypt
    عدد المساهمات : 117
    نقاط : 215
    السمعة : 1
    تاريخ التسجيل : 16/05/2009

    اسئلة منطقية جدا محتاجه رد

    مُساهمة من طرف طائرالحب في الأحد يونيو 14, 2009 11:45 pm




    ليه لمّا الواحد يكون واقف مستنى الأسانسير بعد ما داس على الزرار اللي
    بيستدعى الأسانسير وبقى منور وباين إنه منوّر، ييجي واحد تاني بعد ثواني
    يبص لك ويبص للزرار المنور ويروح دايس على الزرار تاني؟!


    ليه
    لما تسأل واحد على العنوان وتقول له "شارع كذا فين؟!" يرد عليك بسؤال "هما
    قالوالك فين؟!". طيب ما هما لو كانوا قالوا لي ماكنتش سألتك، ثم هما مين
    اللي قالوا لي؟!



    ليه الشخص اللي يسألك "الساعة كام" لازم يرفع لك دراعه الشمال مع ان الساعة فى ايدك انت

    ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!

    ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟


    ليه
    لو واحد قال قدامي كلمة "الأقصر" بتيجي في دماغي على طول صورة "الآثار"؟!
    مع إنى لو قال قدامي كلمة "الآثار" مش شرط تيجي في دماغي صورة "الأقصر"؟!


    هل حصل فعلا فى يوم من الايام أن فيه واحد (ضرب عصفورين بحجر)؟

    ليه الصمغ الشديد الفعالية ما بيلزقش بالأنبوب الى محطوط جواها ؟


    إذا كان العَـالُم مسرحاً زى ما بيقولوا ، طب المتفرجين قاعدين فين؟

    ليه
    لما تطلب ساندوتش من مطعم وتحب تضيف عليه اى إضافة بيزودوا سعر الساندوتش،
    طيب ليه لما بتحب تشيل حاجه من محتويات الساندوتش سعره مابيقلش؟

    الأخرس بيكلم نفسه إزاى؟


    ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر".


    إذا كانـت السباحة تحسن القوام وتجعله ممشوقا ، طب ازاى الحوت شكله كده ؟

    إذا كانت الخضار والفاكهة تفيد في تخسيس الوزن ، طب ازاى الفيل شكله كده ؟


    ليه البنات بتفتح بقها وهيا بتحط (ماسكرا) ؟


    إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!

    ليه دايما البواب لازم يبقى صعيدى او نوبى و يكون اسمه عبده او عثمان ؟

    أنت بتجرى لادام لتخفيض وزنك ، طب ايه الى هيحصل لو جريت لورا هل يزيد وزنك؟


    ليه
    بيقولوا (الحب أعمى)، ومع ذلك كل أغاني الحب عن (العيون)، نور العين وسحر
    عينيك وعينيك واحشاني وعينيك كدابين وحبيبي وعينيه أصلاً؟!
    طيب لو كان الحب اعمى ..ليه واكلين دماغنا بالحب من اول نظرة؟


    إشارة ممنوع المشي على الحشيش ( الأعشاب ) المزروع ، حطوها مكانها ازاى ؟؟



    البطيخ الى ما فهوش بذور ، كيف تمت زراعته ؟

    بنسمع كتير عن سرعة الضوء ، طيب كم تبلغ سرعة العتمة ؟؟

    ليه لما حد يحب يدي معلومة بيبدأ الجملة بكلمة (بيقولك)، (بيقولك العربيات رخصت)!

    ليه الناس في الشارع بتستخدم أدوات نداء لتوقيف أي شخص، أدوات نداء مالهاش
    أصل في اللغة و ينفع تنادي بيها على أحد في المطلق زى. بسست، والنبى يا،
    ويا كابتن، وباقولك وخُد يا، وأيوه يا، وليه أدوات النداء دي بتوقف الشخص
    المقصود بالذات؟!

    ليه ما بيعملوش طعام القطط بنكهة الفئران ؟

    ليه بيعقموا الإبرة السامة لقتل المحكوم عليهم بالإعدام ؟؟؟

    و ليه كان الطيارون الانتحاريون اليابانيون (( الكاميكازي )) بيلبسوا خوذة واقية للرأس ؟!!

    إذا كان السوبر ماركت يفتح لمدة أربعٍ وعشرين ساعة في اليوم لمدة عامٍ كامل ، طب ليه بقى حطوا عليه الأبواب والأقفال ؟؟


    ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟!


    لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!



    لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟


    ليه في شارع مراد حاطين يافطه كبيرة مكتوب عليها "ابتسم انت في الجيزة"..، هى الجيزة حاجة تضحَّك؟!


    ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!


    ليه
    بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في
    زلزال، ومصرع 112 في سقوط طائرة؟! طيب ما يقولوا على طول مصرع 250 واحد في
    نشرة أخبار التاسعة! Smile)))))))))))))




    _________________


    avatar
    حبيب القلب
    المشرفة العامة
    المشرفة العامة

    أعلام الدول : Egypt
    عدد المساهمات : 306
    نقاط : 767
    السمعة : 4
    تاريخ التسجيل : 16/05/2009

    رد: اسئلة منطقية جدا محتاجه رد

    مُساهمة من طرف حبيب القلب في الثلاثاء يونيو 16, 2009 3:16 am

    هههههههه
    موضوع رائع اخي العزيز

    تسلم ايديك
    خلتني فكرت ليه صحيح كل ده



    avatar
    boss
    عضو برونزى
    عضو برونزى

    أعلام الدول : Palestinian
    عدد المساهمات : 189
    نقاط : 257
    السمعة : 2
    تاريخ التسجيل : 25/05/2009
    الموقع : http://qabatih-girls.hooxs.com

    رد: اسئلة منطقية جدا محتاجه رد

    مُساهمة من طرف boss في الأحد أغسطس 02, 2009 1:23 pm

    هههههههههههههه

    ميرسي


    _________________

      الوقت/التاريخ الآن هو الأربعاء أغسطس 23, 2017 4:40 am